Munchkin Mommy

Mayroong iba’t ibang klase o “shades” ng  kulay na lila na tinatawag ding kulay ube o biyoleta.  Nakakasiguro akong ang iba’t ibang klase o “shades” na ito ay maglalabasang lahat sa linggong ito ng Litratong Pinoy.

Narito ang larawan ng aking paboritong modelo na kuha noong Disyembre.

Hindi karaniwan sa Texas ang niyebe (snow).  Matagal nang gustong makapaglaro ni Abby sa niyebe ngunit hindi pa rin kami nakakapagplanong magbakasyon sa mga lugar na sagana sa niyebe kapag taglamig (winter).  Wala pa siyang dalawang taong gulang na makaranas ng niyebe.  Iyo’y nang magpunta kami sa Europa noong 2006.  Hindi na niya natatandaan ngayon.

Kaya naman pinagtiyagaan na lang niya ang mga nahulog na gawa-gawang niyebe noong magpunta kami sa Schlitterbahn noong Disyembre.  Kawawang bata.  Hahaha. :)

Ang mga sumusunod na larawan nama’y nailathala ko na sa aking blog patungkol sa pagkain (Cafe Munchkin) bilang lahok para sa Lasang Pinoy, Sundays para sa linggong ito.

Nakakatuwaan ko ngayon ang pagdidisenyo ng mga cakes at cupcakes.  Noong Lunes ng nakaraang Linggo, ito ang aking mga ginawa….

Mga payaso (clowns)

ng ulo ng payaso ay hindi gawa sa icing. :)  Binili ko ito sa tindahan (Michael’s).

Lila, rosas (pink) at puti  lamang ang mga ginamit kong kulay ng icing.  Masyado kasing matrabaho kung gagamit pa ako ng ibang kulay.

Mga rosas na puso.

Mga lilang kendi.

Isa pang lahok sa Litratong Pinoy:  Mga Lilang Bulaklak

Mabuhay!