Munchkin Mommy

Noong nakaraang Sabado, ika-17 ng Enero, si Abby ay dumalo sa bowling party ng kaniyang kamag-aral na nagdiwang ng ikalimang taong kaarawan.  Unang pagkakataon iyon ni Abby na makapaglaro ng bowling at tuwang-tuwa silang naglaro ng kaniyang mga kaibigan.

Kahel ang kulay ng bolang ginamit ni Abby.

Nakabantay ang mga bata sa bola kaya lagi naming pinagsasabihan dahil natatakot kaming sila ay maipit. Ang kukulit!!!

Pinakiusapan ko si Abby na magpose muna bago tumira.

Ang aking kabiyak ang tumulong kay Abby sa paglalagay ng bola sa isang parang slide na bakal.

Dito ipinapatong ng mga bata ang kanilang bola at mula doon ay itinutulak ang bola.  Hindi pa kasi nila kayang mag-swing ng bola.

May potential yatang maging isang Bong Coo ang aking anak.  Kita sa kaniyang mga mata ang konsentrasyon bago tumira. :)

May “rail” na nakaharang sa mga kanal sa bowling lanes kaya hindi napupunta roon ang mga bola.  Siguradong makaka-score ang mga bata. :)

Sigurado akong mauulit ang pagbobowling ni Abby.  At sa susunod, kaming tatlo na ang maglalaro.  Matagal-tagal ko na ring hindi nagagamit ang mga sapatos kong pangbowling. :)

Isa pang lahok para sa LP: Ang Mga Hiwa ng Kahel sa Australia

Mabuhay!