Naghalungkat ako sa aking naipong mga larawan para sa temang “asul” ng Litratong Pinoy sa linggong ito. Larawan ng kalangitan ang unang sumagi sa aking isipan. Kaya lang, naisip ko ring baka karamihan naman ng mga lahok ay litrato ng kalingitan. Sa aking paghahanap, nabuksan kong muli ang mga larawang kuha sa Universal Studios na aming pinasyalan noong magbakasyon ang aming pamilya sa California noong Hulyo. Tamang-tama, kulay asul ang kasuotan ng aking pinakapaboritong modelo sa buong ibabaw. ;)
Nagtatanghalian kami nang kunan ko ang larawang ito. Humihingi ng barya si Abby dito, para ihagis sa tubig. Hindi man wishing well ang itinuturo niya, marami kasing nauna nang nagtapon ng barya.
Siyempre, wagi na naman siya. Kitang-kita sa kaniyang makahulugang ngiti. Naisahan na naman kami! Hahaha!
Sa Universal Studios pa rin ito at hindi sa Sampaloc, Maynila. :P
Tulad nang nakagawian na kapag nagpupunta kami sa theme park, sinusubukang makapanalo ng laruan sa mga arcade games ng aking asawa at si Abby.
At siyempre, tulad ng dati, panalo na naman!
Natatandaan niyo ba kung saang pelikula matatagpuan ang maliit na tindahan ng aklat na ito? Huwag nang pagisipan pa…aya’t nakasulat sa karatula. :)
Ito ang aming nakakatakot na karanasan…nang kainin ng pating ang aking asawa. Ngunit iniluwa naman siya ulit…hindi siguro nasarapan si Jaws. :P
Bitin ang aming pagpasyal sa Universal Studios. Simpleng araw kasi kami nagpunta kaya hanggang ika-5 ng hapon lang siya bukas.
Papalubog na ang araw dito at papalabas na kami sa park. Siyempre, piktyur-piktyur muna. ;)
Maraming maraming salamat muli sa aming pinsang si Rina na siyang nagpasyal sa amin sa Universal. Sa uulitin, Rins ha! :D
Marami pa kaming larawan sa Universal, sana’y maibahagi ko rin sa ibang araw. :D
Isa pang lahok para sa LP: Mga Asul na Ilaw
Mabuhay!